ஒரு சந்தர்பத்தில் இணையத்தில் தமிழை காண்பதென்பதே பெரும் கஷ்டமாக இருந்தது அப்படி இருந்தாலும் முழுமையாக இருப்பதில்லை சில இடங்களில் கட்டம் கட்டமாக தெளிவற்று இருக்கும்.

ஆனால் தகவல் தொழில்நுட்பத்தின் பாரிய மாற்றத்தால் இன்று தமிழ் இணையத்தை அலங்கரித்துக் கொண்டிருக்கின்றது என்றால் மறுப்பதற்கில்லை.

தமிழை தட்டச்சு செய்ய பலரும் பல வழிகளை பயன்படுத்துகின்றனர். என்றாலும் Google தரும் அருமையான சேவையினை அதிகமானோர் அறிந்ததில்லை.


தமிழில் தட்டச்சு செய்ய


காலத்துக்கு காலம் தனது புத்தம் புதிய சேவைகளை உலகுக்கு அறிமுகப்படுத்திக்கொண்டேயிருக்கும் Google, பயனர்களுக்கு சிறந்த சேவைகளை வழங்குவதில் முன்னோடியாக திகழ்கின்றது.

Google Input tools அமைப்புக்கள்
 

Google வழங்கும் Google Input Tools மூலம் கணனியின் எந்த ஒரு இடத்திலும் தமிழ், சிங்களம் உட்பட 22 மொழிகளில் எவ்வித சிரமமுமின்றி தட்டச்சு செய்ய முடியும்.


உதாரணமாக Face book இல் Status Update இடுவதற்கு, நண்பர்களுடன் அரட்டை அடிப்பதற்கு, தேடு இயந்திரங்களில் தகவல்களை பெற்றுக்கொள்வதட்கு, வலை தளங்களில் கருத்துக்களை இடுவதற்கு, நண்பர் உறவினர்களுக்கு தெளிவான E-mail ஒன்றினை அனுப்புவதற்கு, கோப்புக்கள் ஆவணங்களுக்கு பெயரிடுவதற்கு என அடுக்கிக்கொண்டே போகலாம்.


அந்தவகையில் நீங்களும் Google தரும் இந்த வசதி மூலம் தமிழில் மிக இலகுவாக தட்டச்சு செய்து கொள்ள விரும்பினால் கீழே கொடுக்கப்பட்டிருக்கும் இணைப்பு மூலம் சென்று அங்கு வரிசை படுத்தப்பட்டிருக்கும் 22 மொழிகளில் உங்களுக்கு தேவையான மொழி(களை)யை தேர்ந்தெடுத்து  "I agree to the Google Terms of Service and Privacy Policy." என்பதில் ஒரு Tick Mark ஐ இட்ட பின் Download Button ஐ அழுத்தினால் ஒரு சில நிமிடங்களில் Google Input Tools உங்கள் கணனியில் நிறுவப்பட்டு விடும்.


Google Input Tools தரவிறக்க

பிறகென்ன Task Bar இன் வலது மூலையில் நீங்கள் தேர்ந்தடுத்த மொழிகள் இருக்கும் உங்களுக்கு தட்டச்சு செய்ய தேவைப்படும் மொழியை தெரிவு செய்து தட்டச்சு செய்ய ஆரம்பியுங்கள்.

தட்டச்சு இடைமுகம்

நீங்கள் தகவல் தொழில்நுட்பம் என தமிழில் தட்டச்சு செய்ய வேண்டுமெனின் தமிழை தேர்ந்தெடுத்த பின் thagaval tholilnutpam என தமிங்கிலம் மொழியால் தட்டச்சு செய்தால் "தகவல் தொழில்நுட்பம்" என மாறிவிடும், மேலும் மொழித்தெரிவை மாற்ற Win Key + Space Bar ஐ பயன்படுத்தலாம். இது தவிர Task bar  இருக்கும் Google Input Tools ஐ சுட்ட வரும் Language Preference என்பதன் மூலம் எமக்கு தேவையான மொழியை Task bar க்கு கொண்டுவரவோ அல்லது Task bar இலிருந்து அகற்றி விடவோ முடியும்.

Google Input tools மொழி மாற்ற
தரவிறக்க கீழுள்ள இணைப்பில் செல்லவும். 
 




தொழில்நுட்ப உலகில் நிகழும் மாற்றங்களை உடனுக்குடன் அறிய தொடர்ந்தும் இணைந்திருங்கள் எமது தகவல் தொழில்நுட்ப முகநூல் பக்கத்துடன்.

TAMILINFOTEH FACEBOOK PAGE


 மேலும் இதனையும் பார்க்க: மிக வேகமாக தட்டச்சு செய்ய உங்களை பயிற்றுவிக்கும் முற்றிலும் இலவசமான ஒரு இணையதளம்.

Love to hear what you think!

5 comments:

  1. பயனுள்ள தகவல் .. தமிங்கலம் என்பது மொழியல்ல.. ரோமன் எழுத்துக்களால் தட்டச்ச வேண்டும் எனக் கூறுவது சரியாக இருக்கும். நன்றிகள்

    பதிலளிநீக்கு
    பதில்கள்
    1. (h) கருத்துக்கு நன்றி சகோதரரே...... எடுப்பாக இருக்கட்டுமே என்று தமிழை ஆங்கிலத்தால் எழுதுவதனால் அதற்கு தமிழ்+ஆங்கிலம் என்பதை சேர்த்து தமிங்கிலம் என எழுதிவிட்டேன்... எது எப்படியோ இனி உங்கள் விருப்பத்தை மீறி அவ்வாறு நடக்காது சகோதரரே......

      நீக்கு
  2. அருமை தங்களின் பதிவுகள் அனைத்தும் ,கணினி பற்றிய தகவல் தெரியாதவர்களுக்கு உங்கள் பதிவுகள் பெரிதும் துணையாக உள்ளது அய்யா தொடருங்கள்உங்கள் தொண்டினை ,வாழ்க வளமுடன் வாழ்க வளமுடன் வாழ்க வளமுடன் ,நலமுடன்

    பதிலளிநீக்கு
  3. மிகவும் நன்று. தமிழில் எழுதுவது மிகவும் எளிதாக உள்ளது

    பதிலளிநீக்கு

 
Top